Wann a Steher an Bären reißt und von da Heh daglengt wird, legt der bei de Kiwara garantiert net nieder. Der sagt hechstens, des Gerschtl hot er von sein Hawara kriagt, den Peitscherbuam, der was zwa guate Rössa springen hat, die er a gern amoil pock'n tät. Und der greift eam öfta unter die Irxen, wann er'n bei der Koberin in den Tschecherl trifft, was im Block gegenüber is,. Quasi nur zwa Schritt über'd Schreamsn, grad halt umme hirschen muass er do, zu den Haus wo auf der zwara Stiag'n a der woarme Bruada aus seina Platten wohnt, der wos am Tag eigentli' Budelhupfa is. Am liabst'n sitzad er jetzt auf da neichn Scheslonsch, was er si auf Stottern zuag'legt hot, daham im Schlapf'nkino, mit sein Hausdrach'n in da neichn Kombinäsch oder si hauat'n si' olle zwa beide in de Schaln und gangaten auf an Leinwandradierer in da Friseurlosch im Poppenwimmer. Sche andirnd'lt mit'n Lüstersackl von der Stange, aber net mit da Anserpanier halt, weu' de g'hert nua fürn Suntag, wann's groß auf Gaudee gengan. Oder fürn Holzpytschama, wann ma gach obankelt, weu da wü ma jo wos gleichschau'n vuar da Meschpoche!