Naja - allein, wenn ich die Anordnung einer Bodenbrunnenanlage genau in der Hauptachse (Zugang) des Bades sehe, frag ich mich schon. Überall: ja bitte!, aber genau im direkten Zugang?
Magistrat: Geh, tats ma bitte an Brunnen aa no ins Konzept eine.
Planer: Wieso? Eigentlich passt des ned zu unsare Vuastö...
M: Na, geh bitte, tats ma an Brunnen eine. Mia ham do, ned woahr, oiso, mia ham do so a Firma vom Schwoga vo unsam Obtäulungsleiter, de mochn soichane Brunnen.
P: Owa mia haum des ois scho fertig und do passt nirgends mehr a Brunnen eine.
M: Naa, stöhts eich bitte ned au, do muass a Brunnen eine. Des is scho a ausgmochte Gsch..., oiso, das tut hausinteean soo gewüünscht werden tun, nichtwahr, bitteschön, jo?
P: Na guat, wo tamman hi? A schene Soch warat durtn, wo jetztn die Gleis san.
M: Des is nix, durt kummt a Fußgängerheiweh.
P: Auf da Seitn, im Park, wia schau ma do aus?
M: Ui, naa, des geht ned. Do miassat ma de gaunze Wiesn aufgrobn. Wos des kost!
P (entnervt): Jo, soi man vielleicht mittn vuam Bod mochn?
M: Heast, jo, des i a klasse Idee. Wossa und Bod, des klingt guad. Supa, do wiad se da Herr Schwoga gfrein. (ruft) Herr Senatsrat, mia san durch! Kennan S' in Herrn Schwoga scho auruafn, er kaun scho aufaungan! (dreht sich wieder um) Jo, gratuliereee, mir beglückwünschen Ihna zu der Idee, doss Se uns do vuaschlogn, doss ma do an Brunnen... oiso, wissn S' eh, wos i maan, schreibn S' des so ins Konzept eine, doss des vo Ihna is. Des mocht si a gaunz guat, waun Se wieder amoi mit uns ... vastengan S'?